12.10.10 - 17:43
Hafliði Breiðfjörð
Guðjón Pétur Lýðsson í Val (Staðfest)
Guðjón ásamt Kristjáni Guðmundssyni þjálfara Vals í Lollastúku á Hlíðarenda rétt í þessu.
Mynd: Fótbolti.net - Hafliði Breiðfjörð
Guðjón ásamt Kristjáni Guðmundssyni þjálfara Vals í Lollastúku á Hlíðarenda rétt í þessu.
Mynd: Fótbolti.net - Hafliði Breiðfjörð
Guðjón Pétur Lýðsson er genginn til liðs við Val frá Haukum og skrifaði undir þriggja ára samning við félagið rétt í þessu.
Hjá Val mun Guðjón leika í treyju númer 10 en það númer var laust eftir að Helgi Sigurðsson hætti hjá félaginu fyrir ári síðan.
Guðjón Pétur Lýðsson hefur leikið með Haukum undanfarin ár og vakið mikla athygli fyrir frábæra frammistöðu á miðjunni.
Haukar féllu niður í 1. deildina í haust og eftir það varð ljóst að hann myndi leita á önnur mið til að spila áfram í efstu deild.
Guðjón Pétur Lýðsson er 23 ára gamall. Hann lék 22 leiki með Haukum í deild og bikar í sumar og skoraði í þeim þrjú mörk.
Hann hefur einnig leikið með Stjörnunni, Breiðablik og Álftanes hér á landi og var samningsbundinn Haukum út næsta ár. Haukar og Valur komust hinsvegar að samkomulagi um skiptin og eftir það ræddi Guðjón við Val og samdi við félagið til þriggja ára í dag.
Guðjón Pétur Lýðsson hefur leikið með Haukum undanfarin ár og vakið mikla athygli fyrir frábæra frammistöðu á miðjunni.
Haukar féllu niður í 1. deildina í haust og eftir það varð ljóst að hann myndi leita á önnur mið til að spila áfram í efstu deild.
Guðjón Pétur Lýðsson er 23 ára gamall. Hann lék 22 leiki með Haukum í deild og bikar í sumar og skoraði í þeim þrjú mörk.
Hann hefur einnig leikið með Stjörnunni, Breiðablik og Álftanes hér á landi og var samningsbundinn Haukum út næsta ár. Haukar og Valur komust hinsvegar að samkomulagi um skiptin og eftir það ræddi Guðjón við Val og samdi við félagið til þriggja ára í dag.
