13.10.10 - 13:07
Magnús Már Einarsson
Logi Ólafsson tekinn við Selfyssingum (Staðfest)
Logi við undirskriftina á Selfossi í dag.
Mynd: Fótbolti.net - Hafliði Breiðfjörð
Logi við undirskriftina á Selfossi í dag.
Mynd: Fótbolti.net - Hafliði Breiðfjörð
Logi Ólafsson hefur verið ráðinn þjálfari Selfyssinga en þetta var tilkynnt á fréttamannafundi nú rétt í þessu. Logi skrifaði undir tveggja ára samning við félagið.
Selfyssingar hafa verið í leit að nýjum þjálfara undanfarið eftir að ljóst var að Guðmundur Benediktsson yrði ekki áfram hjá liðinu.
Logi býr á Arnarhóli í Gaulverjabæjarhreppi og hefur samhliða þjálfun síðustu ár verið íþróttakennari í Menntaskólanum við Hamrahlíð.
Hann stýrði síðast KR en hann var látinn fara í sumar eftir þriggja ára dvöl hjá félaginu.
Logi er afar reyndur þjálfari en hann hefur einnig á ferlinum meðal annars stýrt íslenska karla og kvennalandsliðinu, Víkingi, ÍA og FH.
Selfyssingar leika í fyrstu deild á næstu leiktíð en liðið endaði í neðsta sæti Pepsi-deildarinnar í ár.
Rætt verður við Loga í viðtali hér á Fótbolta.net síðar í dag.
Logi býr á Arnarhóli í Gaulverjabæjarhreppi og hefur samhliða þjálfun síðustu ár verið íþróttakennari í Menntaskólanum við Hamrahlíð.
Hann stýrði síðast KR en hann var látinn fara í sumar eftir þriggja ára dvöl hjá félaginu.
Logi er afar reyndur þjálfari en hann hefur einnig á ferlinum meðal annars stýrt íslenska karla og kvennalandsliðinu, Víkingi, ÍA og FH.
Selfyssingar leika í fyrstu deild á næstu leiktíð en liðið endaði í neðsta sæti Pepsi-deildarinnar í ár.
Rætt verður við Loga í viðtali hér á Fótbolta.net síðar í dag.
