Andri Marteinsson tekur við ÍR (Staðfest)

Andri Marteinsson er 46 ára gamall. Hann hóf þjálfaraferil sinn í meistaraflokki hjá Haukum og stýrði liðinu í fjögur ár.

Á þeim tíma tókst honum að koma liðinu úr 2. deild karla upp í Pepsi-deildina þaðan sem þeir féllu eftir síðasta tímabil. Hann hætti með Hauka í mars síðastliðnum til að taka við Víkingi en hætti þar eftir slakt gengi á miðju tímabili.

,,Við erum að horfa á að halda áfram með þá þróun sem var þegar Guðlaugur Baldursson var að þjálfa liðið og byggja upp og ala upp á heimamönnum með réttri viðbót í hópinn,\" sagði Hallgrímur Friðgeirsson formaður meistaraflokksráðs karla hjá ÍR við Fótbolta.net í dag.

,,Stefnan er að gera ÍR að stabílu og sterku 1. deildarliði. Hugmyndin er svo að fá spilandi aðstoðarþjálfara og þegar er vinna farin í gang að leita að þeim manni,\" bætti hann við.

ÍR endaði í 9. sæti 1. deildar karla í sumar.