Pétur Óskar tekur fram skóna og fer í ÍR (Staðfest)

Pétur Óskar sem verður 26 ára gamall á árinu hefur ekkert spilað í alvöru liði síðan hann var í ÍBV í efstu deild sumarið 2005.

Eftir það glímdi hann mikiið við meiðsli en í dag er hann alveg laus við öll meiðsli og í fínu formi og klár í slaginn í 1. deildina með ÍR.

Hann þekkir vel til Guðlaugs Baldurssonar þjálfara ÍR sem þjálfaði hann einmitt í ÍR á seinni hluta ársins 2005 er Pétur kom þangað á láni frá FH.

Áður höfðu þeir verið saman í 2. flokki FH sem vann alla leiki sína sumarið 2003 en þá var Pétur markahæsti leikmaður mótsins.

Pétur hafði leikið 18 leiki með Breiðablik sumarið 2004 og skorað í þeim 9 mörk og skoraði svo 4 mörk í 12 leikjum með ÍBV.

ÍR er með fullt hús stiga, 6 stig eftir tvær umferðir og deilir toppsæti 1. deildar með nágrönnum sínum í Leikni.