16.01.24 - 08:47
Elvar Geir Magnússon
Mourinho rekinn frá Roma (Staðfest)
Mynd: EPA
Mynd: EPA
Roma, sem situr í níunda sæti ítölsku A-deildarinnar, er búið að reka Jose Mourinho. Hans síðasti leikur við stjórnvölinn var 3-1 tap gegn AC Milan á sunnudaginn.
Í tilkynningu Roma þakka eigendurnir Dan og Ryan Friedkin honum fyrir framlag sitt og ástríðu í starfi.
Roma er með 29 stig, fimm stigum frá Fiorentina sem er í fjórða sætinu. Liðið hefur skorað 32 mörk og fengið á sig 24 í fyrstu 20 deildarleikjunum.
Í tilkynningu Roma þakka eigendurnir Dan og Ryan Friedkin honum fyrir framlag sitt og ástríðu í starfi.
Roma er með 29 stig, fimm stigum frá Fiorentina sem er í fjórða sætinu. Liðið hefur skorað 32 mörk og fengið á sig 24 í fyrstu 20 deildarleikjunum.
Í síðustu viku tapaði Roma gegn erkifjendum sínum í Lazio í 8-liða úrslitum ítalska bikarsins og í kjölfarið fékk Mourinho mikla gagnrýni frá stuðningsmönnum. Það var í fyrsta sinn sem stuðningsmenn snérust gegn honum síðan hann var ráðinn 2021.
Hann vann Sambandsdeildina á fyrsta tímabili sínu með Roma og beið lægri hlut í úrslitaleik Evrópudeildarinnar á síðasta tímabili. Honum tókst ekki að ná topp fjórum á þeim tveimur heilu tímabilum sem hann var hjá Roma.
Eftir tapið gegn Lazio talaði Mourinho um að óraunhæfar væntingar væru gerðar til Roma miðað við styrkleika leikmannahópsins. Þær væntingar væru því hann sjálfur væri svo stórt nafn.
Hann vann Sambandsdeildina á fyrsta tímabili sínu með Roma og beið lægri hlut í úrslitaleik Evrópudeildarinnar á síðasta tímabili. Honum tókst ekki að ná topp fjórum á þeim tveimur heilu tímabilum sem hann var hjá Roma.
Eftir tapið gegn Lazio talaði Mourinho um að óraunhæfar væntingar væru gerðar til Roma miðað við styrkleika leikmannahópsins. Þær væntingar væru því hann sjálfur væri svo stórt nafn.
