Ragnar Hauksson í Dalvík/Reyni (Staðfest)

Ragnar hætti sem spilandi þjálfari KS/Leifturs í síðasta mánuði eftir tæplega fjögurra ára starf.

Í fyrra var Ragnar markahæstur í annarri deildinni með átján mörk auk þess sem hann var valinn í lið ársins.

Ragnar hefur núna ákveðið að ganga til liðs við Dalvík/Reyni og ljóst er að hann mun styrkja liðið mikið.

Dalvík/Reynir hefur ekki tapað leik í sumar og hefur örugga forystu á toppi D-riðils í þriðju deildinni en ljóst er að liðið mun gera harða atlögu að því að komast upp í aðra deild í haust.