Framherjinn Patson Daka mun skrifa undir hjá enska úrvalsdeildarfélaginu Leicester á næstu dögum.
Blaðamaðurinn Fabrizio Romano greinir frá þessu í kvöld en Daka hefur verið orðaður við ýmis lið á Englandi og þar á meðal Liverpool.
Romano segir að Daka muni ganga í raðir Leicester og að RB Salzburg sé búið að samþykkja tilboð liðsins.
Leicester vill tilkynna kaupin í næstu viku og hefur félagið því betur í baráttunni við bæði Liverpool og Chelsea.
Daka er 22 ára gamall framherji en hann hefur skorað 54 mörk fyrir Salzburg í 82 leikjum.
Athugasemdir