HK hefur samið við miðjumanninn Viktor Helga Benediktsson en hann gerir tveggja ára samning í Kópavoginum.
Viktor Helgi, sem er 25 ára gamall, er uppalinn í FH en hann þekkir til úr HK eftir að hafa spilað þar við góðan orðstír sumarið 2017. Hann hefur einnig spilað með ÍA hér á landi. Hann er eldri bróðir Adams Inga sem leikur með Gautaborg í Svíþjóð.
Viktor hefur undanfarin ár leikið erlendis eftir ásamt því að hafa verið í háskólaboltanum í Bandaríkjunum.
Hann lék með Stord í Noregi en síðast var hann hjá AB Argir sem féll úr færeysku deildinni á síðasta tímabili.
Viktor Helgi er annar leikmaðurinn sem HK fær til sín fyrir komandi tímabil en áður hafði félagið fengið miðvörðinn Þorstein Aron Antonsson frá Val á láni.
Komnir
Þorsteinn Aron Antonsson frá Val á láni
Viktor Helgi Benediktsson frá AB Argir
Farnir
Örvar Eggertsson í Stjörnuna
Ahmad Faqa til AIK (var á láni)
Anton Söjberg til Færeyja
Hassan Jalloh
Sigurbergur Áki Jörundsson í Stjörnuna (var á láni)
Samningslausir
Kristján Snær Frostason (2005)
Athugasemdir