Lengjudeild kvenna: FH snéri dæminu við í seinni hálfleik

Fjarðabyggð/Höttur/Huginn fékk FH í heimsókn í loka leik þriðju umferðar Lengjudeildar kvenna í dag.

Leikurinn fór fram í Fjarðabyggðarhöllinni en bæði lið höfðu unnið fyrstu tvo leiki sína í deildinni fyrir leikinn.

Heimakonur voru marki yfir í hálfleik en Linli Tu skoraði það þegar fyrri hálfleikur var um það bil hálfnaður.

FH konur komu sterkar inn í síðari hálfleikinn og jöfnuðu metin strax á fyrstu mínútu. Það gerði Elín Björg Símonardóttir. Eftir klukkutíma leik skoraði Maggý Lárentsínusdóttir fyrir FH og tryggði liðinu stigin þrjú.