Lestu um leikinn: Maccabi Tel Aviv 3 -  2 Breiðablik

Keane tók við Maccabi Tel Aviv í júní og situr liðið á toppnum í ísraelsku deildinni eftir þrjá leiki.

Írinn er með alla einbeitingu á leiknum gegn Blikum á morgun, sem verður fyrsti leikur þeirra í riðlakeppni í Evrópu.

„Við vitum að þetta verður erfiður leikur. Þeir unnu deildina á síðasta ári og þeir vilja pressa. Í hvert sinn sem ég spilaði með eða á móti íslenskum leikmönnum þá voru þeir líkamlega sterkir og við búumst við því á morgun.“

„Þú verður að vera með gott lið til að komast í riðlakeppni, þannig við erum að undirbúa okkur vel og höfum horft á marga leiki. Við reynum að undirbúa okkur sem best til að við getum unnið leikinn.“

„Hver einasti leikur er erfiður, það er ekki til auðveldur leikur í fótbolta. Þeir vilja spila boltanum og ef ég kem aftur inn á það sem ég sagði, þá verður þú að vera með gott lið til að komast í þessa keppni,“ sagði Keane á blaðamannafundinum.

Ísraelsku blaðamennirnir höfðu takmarkaðan áhuga á að ræða Blika og vildu heldur tala um félagaskiptamarkaðinn og af hverju Keane hafi ekki fengið inn leikmenn á gluggadegi.

Leikur Tel Aviv og Blika fer fram á Bloomfield-leikvanginum í Tel Aviv og hefst klukkan 19:00. Leikurinn er í beinni útsendingu á Stöð 2 Sport