Birta og Samantha eru í liði umferðarinnar.
Valur vann óvæntan sigur í Kaplakrika.
Genevieve í marki Tindastóls varði víti.
Það eru núna tíu umferðir búnar af Bestu deild kvenna en framundan er löng EM-pása.
Valur fer inn í EM-pásuna með góðan sigur á bakinu þar sem þær lönduðu óvæntum sigri í Kaplakrika gegn FH. Þetta hefði ekki verið sagt fyrir mót en svona er þetta núna þar sem Valur hefur verið í miklum erfiðleikum á tímabilinu.
Kristján Guðmundsson og Matthías Guðmundsson, þjálfarar Vals, eru þjálfarar umferðarinnar en þeir þurftu nauðsynlega að ná í þessi þrjú stig. Ragnheiður Þórunn Jónsdóttir var hetja Vals en hin 17 ára gamla Thelma Karen Pálmadóttir lék vel fyrir FH í leiknum.
Valur fer inn í EM-pásuna með góðan sigur á bakinu þar sem þær lönduðu óvæntum sigri í Kaplakrika gegn FH. Þetta hefði ekki verið sagt fyrir mót en svona er þetta núna þar sem Valur hefur verið í miklum erfiðleikum á tímabilinu.
Kristján Guðmundsson og Matthías Guðmundsson, þjálfarar Vals, eru þjálfarar umferðarinnar en þeir þurftu nauðsynlega að ná í þessi þrjú stig. Ragnheiður Þórunn Jónsdóttir var hetja Vals en hin 17 ára gamla Thelma Karen Pálmadóttir lék vel fyrir FH í leiknum.
Thelma Karen er í fjórða sinn í liði umferðarinnar í sumar en Birta Georgsdóttir er í því í fimmta sinn. Hún hefur leikið frábærlega að undanförnu og átti góðan leik fyrir Blika í sigri gegn Stjörnunni. Samantha Smith lék einnig vel í þeim leik.
Þór/KA vann sterkan sigur gegn Víkingum og þar voru Sonja Björg Sigurðardóttir, Agnes Birta Stefánsdóttir og Amalía Árnadóttir sterkar.
Þróttur komst aftur á sigurbraut gegn Fram og fer með jafnmörg stig og Breiðablik á toppi deildarinnar inn í pásuna. Jelena Tinna Kujundzic og Þórdís Elva Ágústsdóttir voru bestar í þeim leik.
Tindastóll tók þá kærkominn sigur gegn FHL, sem er enn án stiga. Birgitta Rún Finnbogadóttir var best á vellinum og Genevieve Crenshaw varði víti.
Næsta umferð í Bestu deild kvenna verður seint í júlí.
Fyrri lið umferðarinnar
Athugasemdir
