Hlynur Svan tekur við kvennaliði Breiðabliks (Staðfest)

Fyrir viku síðan var tilkynnt að Hlynur myndi láta af störfum sem þjálfari Þórs/KA og var þá sagt á heimasíðu Akureyrarliðsins að hann væri að fara í Breiðablik. Meistaraflokksráð Blika var fljótt að þagga þær fréttir niður.

Nú er þó ljóst að Hlynur mun taka við stjórnartaumunum hjá Breiðabliki sem hafnaði í sjötta sæti Pepsi-deildar kvenna í sumar. Sú niðurstaða var vonbrigði í Kópavoginum.

Þór/KA hafnaði í fjórða sæti í sumar en Hlynur tók við þjálfun liðsins um mitt sumar.