Guðmundur Þórarinsson var í eldlínunni hjá New York City í kvöld en liðið tók á móti Cincinatti í MLS-deildinni.
Leiknum lauk með öruggum 5-0 sigri New York og náði Guðmundur að skora í leiknum. Hann kom stöðunni í 3-0 með glæsilegu marki beint úr aukaspyrnu. Markið má sjá neðst í fréttinni.
Þetta var annar leikurinn í deildinni hjá New York en liðið tapaði í fyrstu umferðinni.
Í Rúmeníu mættust Cluj og CS Universitatea Craiova. Rúnar Már Sigurjónsson var í byrjunarliðinu hjá Cluj og lék hann 69 mínútur í dag.
Rúnar gerði sér lítið fyrir og skoraði fyrir Cluj en hann gerði eina mark liðsins í þessu 1-3 tapi á heimavelli. Cluj er einu stig á eftir FCSB sem er í efsta sætinu.
Rúnar Már varð fyrsti Íslendingurinn sem skorar í rúmensku deildinni.
THOR 🎯 pic.twitter.com/TLKshJA1Pj
— New York City FC (@NYCFC) April 24, 2021
Athugasemdir