Allegri orðaður við Man Utd - Modric að framlengja við Real Madrid
banner
   fim 25. apríl 2024 00:15
Sæbjörn Þór Þórbergsson Steinke
Skoraði í kvöld og er svo lánaður í Selfoss (Staðfest)
Mynd: Fótbolti.net - Hafliði Breiðfjörð
Þorlákur Breki Baxter hefur verið lánaður í Selfoss frá Stjörnunni. Hann mun því spila að minnsta kosti fyrri hluta tímabilsins með Selfossi í 2. deild.

Hann er nítján ára framherji sem skrifaði undir þriggja ára samning við Stjörnuna fyrir tímabilið.

Hann var í byrjunarliði Stjörnunnar gegn Augnabliki í Mjólkurbikarnum í kvöld og skoraði fyrra mark liðsins. „Boltinn dettur fyrir Þorlák í teignum og hamrar hann boltanum í samskeytin, almennileg afgreiðsla! Hans fyrsta mark fyrir Stjörnuna!" skrifaði Kári Snorrason í textalýsingu frá leiknum.

Lestu um leikinn: Augnablik 1 -  2 Stjarnan

Hann lék með Selfossi síðasta sumar og fór svo til Lecce á Ítalíu en sú dvöl var ekki löng.

Breki er uppalinn í Hetti en skipti í Selfoss fyrir tímabilið 2021. Hann á að baki 66 KSÍ leiki og hefur skorað níu mörk. Hann á að baki fimm leiki fyrir unglingalandsliðin.

Tímabilið 2023 skoraði Breki þrjú mörk í sextán leikjum með Selfossi í Lengjudeildinni.
Breki Baxter: Sambandið við þjálfarann versnaði og svo hófst stríð
Athugasemdir
banner
banner
banner
banner