Leeds United er búið að ganga frá kaupum á bakverðinum James Justin sem kemur úr röðum Leicester City.
Nýliðar Leeds borga aðeins 10 milljónir punda til að kaupa Justin í sínar raðir, en hann átti ekki nema eitt ár eftir af samningi sínum við Leicester og vildi ekki skrifa undir framlengingu.
Justin er 27 ára gamall og var staðráðinn í að ganga til liðs við Leeds þrátt fyrir áhuga frá öðrum úrvalsdeildarfélögum.
Hann lék 169 leiki á sex árum hjá Leicester og var meðal bestu leikmanna liðsins sem féll úr ensku úrvalsdeildinni á síðustu leiktíð.
Justin er fjölhæfur þar sem hann er hægri bakvörður að upplagi en getur einnig spilað á kantinum eða sem vinstri bakvörður.
Hann er tíundi leikmaðurinn sem Leeds fær til sín í sumar, fyrir rétt rúmlega 100 milljónir punda í heildina.
Justin er með einn A-landsleik að baki fyrir England.
25.08.2025 07:00
Leeds nær samkomulagi við Leicester
???? New message from our new signing! pic.twitter.com/D3xNF4oINz
— Leeds United (@LUFC) August 25, 2025
Athugasemdir
