Emma Björt er aðeins 17 ára gömul en hún er bráðefnilegur miðjumaður sem er uppalin hjá FH og á fimm leiki að baki fyrir yngri landslið Íslands.

Emma lék mikilvægt hlutverk með meistaraflokki ÍH í 2. deild kvenna í fyrra og mun reyna fyrir sér með Fram í Lengjudeildinni í sumar.

Hún hefur verið lykilleikmaður upp yngri flokka FH og er lýst sem leiknum og kraftmiklum leikmanni með góða sendingagetu.

„Við teljum Emmu styrkja hópinn okkar verulega og við hlökkum mikið til að sjá hana blómstra í dalnum í sumar,????????" segir meðal annars í tilkynningu frá Fram.