Barcelona vill Díaz frá Liverpool - Úlfarnir skoða markverði - City til í að hlusta á tilboð í Grealish
   þri 27. febrúar 2024 09:25
Guðmundur Aðalsteinn Ásgeirsson
Liðsfélagi Sverris á sjúkrahúsi í öndunarvél
Kristoffer Olsson.
Kristoffer Olsson.
Mynd: EPA
Danska félagið Midtjylland sendi í morgun frá sér tilkynningu þar sem segir að Kristoffer Olsson, leikmaður félagsins, hafi verið fluttur á sjúkrahús eftir að hann missti meðvitund á heimili sínu.

Olsson hefur verið fjarverandi hjá Midtjylland að undanförnu og sá félagið sig knúið til að senda frá sér yfirlýsingu eftir að sögusagnir fóru á kreik um að hann hefði skaðað sjálfan sig.

Í yfirlýsingunni segir að Olsson hafi verið fluttur á sjúkrahús í Árósum fyrir viku síðan og liggi núna á sjúkrahúsi í öndunavél.

Þetta hljómar alls ekki vel en mestu sérfræðingar Danmerkur vinna núna að því að hjálpa Olsson.

„Midtjylland hvetur almenning til að sýna virðingu og skilning," segir í yfirlýsingunni.

Olsson er 28 ára gamall en hann var hjá Arsenal í upphafi ferilsins. Ásamt því að spila með Midtjylland þá hefur hann leikið með AIK í Svíþjóð, Krasnodar í Rússlandi og Anderlecht í Belgíu á ferli sínum. Hann á þá að baki 47 A-landsleiki fyrir Svíþjóð.


Athugasemdir
banner
banner
banner