27.11.21 - 17:31
Guðmundur Aðalsteinn Ásgeirsson
Gerrard annar í sögunni til að vinna fyrstu tvo leikina
Steven Gerrard.
Mynd: EPA
Steven Gerrard.
Mynd: EPA
Steven Gerrard hefur farið mjög vel af stað sem nýr knattspyrnustjóri Aston Villa á Englandi.
Gerrard tók við Villa af Dean Smith fyrir rétt rúmlega tveimur vikum síðan. Hann er búinn að stýra liðinu í tveimur leikjum og hefur Villa tekist að vinna þá báða.
Villa tókst í dag að leggja lærisveina Patrick Vieira í Crystal Palace að velli, 1-2.
Gerrard er aðeins annar stjórinn í sögu Aston Villa sem byrjar á tveimur sigurleikjum í röð í ensku úrvalsdeildinni. Hinn stjórinn var John Gregory en honum tókst að byrja á tveimur sigrum í röð árið 1998.
Gerrard, sem er fyrrum fyrirliði Liverpool, er 41 árs og náði á síðasta tímabili að stýra Rangers til síns fyrsta skoska meistaratitils í tíu ár.
Villa tókst í dag að leggja lærisveina Patrick Vieira í Crystal Palace að velli, 1-2.
Gerrard er aðeins annar stjórinn í sögu Aston Villa sem byrjar á tveimur sigurleikjum í röð í ensku úrvalsdeildinni. Hinn stjórinn var John Gregory en honum tókst að byrja á tveimur sigrum í röð árið 1998.
Gerrard, sem er fyrrum fyrirliði Liverpool, er 41 árs og náði á síðasta tímabili að stýra Rangers til síns fyrsta skoska meistaratitils í tíu ár.
2 - Steven Gerrard is only the second manager to win his first two Premier League games in charge of Aston Villa, after John Gregory in February/March 1998. Lifted. pic.twitter.com/QfJlAdqsIK
— OptaJoe (@OptaJoe) November 27, 2021
