Enski miðjumaðurinn Matty Longstaff hefur samið við kanadíska félagið Toronto til næstu tveggja ára.
Matty er 23 ára gamall og var síðast á mála hjá Newcastle, en samningur hans rann út síðasta sumar og var honum ekki boðinn nýr samningur.
Miðjumaðurinn hefur verið frá keppni síðan í desember 2022 er hann sleit krossband, en er nú að mæta aftur í boltann.
Hann samdi í dag við Toronto FC, sem spilar í MLS-deildinni, en samningurinn er til 2025 með möguleika á þriðja árinu.
Matty er yngri bróðir Sean, sem er enn á mála hjá Newcastle.
Athugasemdir
