Dagbjartur er gríðarlega spennandi kantmaður sem er aðeins 17 ára gamall. Hann verður 18 ára í lok maí og lék á láni með KF í 2. deildinni í fyrra, þar sem hann skoraði fjögur mörk.

Dalvík/Reynir vann 2. deildina í fyrra og leikur því í Lengjudeildinni komandi sumar. Það verður gríðarlega spennandi að fylgjast með Dagbjarti taka stökkið upp um deild, rétt eins og Dalvíkingum í heild.

Akureyingar binda miklar vonir við Dagbjart og búast við því að hann verði mikilvægur leikmaður í liði KA í framtíðinni.