Alexander Veigar skrifar undir samninginn.
Alexander Veigar Þórarinsson hefur verið ráðinn nýr þjálfari KV og mun stýra liðinu í 3. deild karla í sumar.
Orri Fannar Þórisson og Davíð Guðrúnarson hættu sem þjálfarar KV í janúar síðastliðnum.
Orri Fannar Þórisson og Davíð Guðrúnarson hættu sem þjálfarar KV í janúar síðastliðnum.
Tekur Alexander við starfinu af þeim. „KV býður Alexander velkominn í Vesturbæinn og hlökkum við til að sjá hann í boxinu á KV-park í sumar," segir í tilkynningu KV.
Alexander Veigar hefur átt flottan fótboltaferil þar sem hann hefur lengst af spilað með uppeldisfélagi sínu, Grindavík. Hann spilaði síðast með ÍH sumarið 2024 en var með Grindavík í Lengjudeildinni sumarið 2023.
Hann hefur einnig leikið fyrir Þrótt Reykjavík, BÍ, Fram og Reyni Sandgerði á sínum ferli.
Núna hefst þjálfaraferillinn en starfið hjá KV er hans fyrsta aðalþjálfarastarf í meistaraflokki.
KV endaði um miðja 3. deild með 28 stig úr 22 umferðum í fyrra. Nýtt tímabil hefst á laugardaginn.
