Grétar Atli í Keflavík (Staðfest)

Grétar, sem er 23 ára gamall, hefur verið í láni hjá Haukum undanfarin tvö tímabil en í sumar skoraði hann eitt mark í 15 leikjum í fyrstu deildinni. Grétar Atli á samtals að baki 54 deildar- og bikarleiki og hefur skorað í þeim fjögur mörk.

Grétar Atli er fyrsti leikmaðurinn sem Keflvíkingar fá í sínar raðir síðan Zoran Ljubicic tók við liðinu í haust.

Þess má geta að faðir Grétars Atla er Grétar Magnússon sem lék um árabil með Keflavík og var einn lykilmanna gullaldarliðsins.

Grétar lék á sínum tíma eina 118 leiki fyrir Keflavík í efstu deild og skoraði 16 mörk. Hann kom við sögu í öllum Íslandsmeistaraliðum Keflavíkur og lék m.a. fyrsta Evrópuleik félagsins.