Isco, sem er 24 ára, var í byrjunarliði Real Madrid um helgina og lagði upp bæði mörk liðsins í 2-0 sigri á Espanyol hefur verið orðaður við ensku úrvalsdeildina nýlega.

Spánverjinn knái vill hinsvegar spila meira og viðurkennir að hann gæti þurft að leita annað.

„Ég er rólegur en það sem veldur mér áhyggjum eru mínúturnar sem ég fæ," sagði Isco við beIN Sports. „Ferill leikmanns er stuttur, ég er ánægður hérna og gæti verið áfram hjá Real í mörg ár en ég þarf að spila."