Það eru tólf lið sem skilja West Ham og Villa að í evrópubaráttunni en bæði lið munu sækja til sigurs í dag, þar sem Villa þarf að styrkja stöðuna sína í fjórða sætinu á meðan Hamrarnir vilja gera atlögu að sjötta sætinu.

Þá eru tveir leikir á dagskrá í 8-liða úrslitum enska bikarsins, þar sem Chelsea tekur á móti Leicester í hádeginu. Rándýrt lið Chelsea mætir þar toppliði Championship deildarinnar sem hafði verið að gera flotta hluti á tímabilinu þar til nýlega, þegar liðið tapaði þremur deildarleikjum í röð gegn QPR, Leeds og Middlesbrough.

Stórleikur helgarinnar fer svo fram á Old Trafford, þegar Manchester United mætir Liverpool í klassískum stórslag.

Það er mikið í húfi fyrir bæði lið sem vilja vinna þennan bikar í ár og ljóst að ekkert verður gefið eftir.

Coventry City og Manchester City eru þegar búin að tryggja sér sæti í undanúrslitum FA bikarsins. Sigurlið dagsins munu fylgja þeim.

Úrvalsdeildin:
14:00 West Ham - Aston Villa

FA bikarinn
12:45 Chelsea - Leicester
15:30 Man Utd - Liverpool