Þegar titillinn var tryggður voru leikmenn staddir heima hjá Jamie Vardy þar sem mikil gleði braust út, einnig var haldin mikil veisla á pizzastað í Leicester og ekki má gleyma sigurhátíðinni á þaklausu rútunni fyrir framan 240 þúsund stuðningsmenn í miðbænum.

Þegar liðið kom til Bangkok voru þúsundir sem tóku á móti þeim og fögnuðu.

Öll þessi gleði hefur tekið mikinn toll af mönnum eins og sást greinilega á fréttamannafundi í Tælandi. Hátíðarhöldunum er þó ekki lokið því liðið fer í skrúðgöngu í Bangkok í dag.

Partíið var aðeins styttra hjá markahróknum Jamie Vardy en hann er að búa sig undir EM með enska landsliðinu og fór ekki með til Tælands.