Gary Rowett hefur verið ráðinn bráðabirgðastjóri Birmingham. Hann tekur við af Tony Mowbray sem er í veikindaleyfi.
Rowett mun stýra liðinu í átta síðustu leikjum liðsins í Championship deildinni en Mowbray mun snúa aftur fyrir undirbúningstímabilið fyrir næstu leiktíð.
Félagið tók ákvörðunina að ráða Rowett í samráði við Mowbray sem taldi hann rétta manninn til að klára tímabilið með liðinu.
Birmingham er í 21. sæti Championship deildarinnar og hefur aðeins nælt í eitt stig í síðustu sex leikjum.
Rowett stýrði Millwall síðast frá 2019 áður en hann yfirgaf félagið í október i fyrra. Hann lék með Birmingham á sínum leikmannaferli og stýrði liðinu frá 2014-2016.
Athugasemdir