Framtíð hollenska kantmannsins Memphis Depay hjá Manchester United er í mikilli óvissu en hann er ekki í leikmannahópi liðsins fyrir bikarúrslitaleikinn gegn Crystal Palace á morgun.
Samkvæmt enskum fjölmiðlum neitaði Memphis að ferðast með liðinu til höfuðborgarinnar eftir að honum var tilkynnt af Louis van Gaal að hann yrði ekki í 18 manna leikmannahóp.
Man Utd borgaði tæpar 30 milljónir punda fyrir þennan 22 ára gamla Hollending en hann hefur valdið miklum vonbrigðum í vetur.
Þrátt fyrir það hefur hann nær alltaf verið í leikmannahópi liðsins þar til nú.
Óhætt er að segja að Memphis hafi verið einn eftirsóttasti leikmaður heims fyrir ári síðan en Man Utd hafði betur í samkeppni við PSG og Liverpool.
Athugasemdir