,,Þetta er mjög spennandi og skemmtilegt," segir Garðar Jóhannsson framherji Stjörnunnar um leik liðsins gegn Inter í Evrópudeildinni annað kvöld.
,,Poznan liðið sem við spiluðum við síðast var mjög gott og ég held að þeir séu svipaðir af styrkleika eða aðeins sterkari. Möguleikarnir eru fínir. Við unnum þá svo við ættum að geta unnið þá líka."
,,Þetta er gott lið. Þeir spila 3-5-2 og reyna að fara upp kantana og koma með fyrirgjafir. Við þurfum að loka á það og beita síðan skyndisóknum."
Stemningin er mikil fyrir leiknum hjá stuðningsmönnum Stjörnunnar en uppselt er á Laugardalsvöll.
,,Þetta minnir mig á bikarúrslitadæmið síðustu tvö ár en þetta fer vonandi betur en það," sagði Garðar.
Garðar hefur verið að glíma við meiðsli að undanförnu en hann verður með í kvöld. ,,Ég er með en ekki meira en það. Ég get alveg spilað en maður er ekki kominn í gott form ennþá."
Hér að ofan má sjá viðtalið í heild sinni.
Athugasemdir