Alon Hazan mun ekki halda áfram sem landsliðsþjálfari Ísraels en hann verður látinn taka pokann sinn eftir 4-1 tapið gegn Íslandi í umspilinu í Búdapest.
Ísraelskir fjölmiðlar segja að Hazan hafi þegar verið boðaður á fund formanns sambandsins á morgun þar sem fundarefnið sé framtíð hans.
Ísraelskir fjölmiðlar segja að Hazan hafi þegar verið boðaður á fund formanns sambandsins á morgun þar sem fundarefnið sé framtíð hans.
Lestu um leikinn: Ísrael 1 - 4 Ísland
Hazan stýrði áður yngri landsliðum Ísraels áður en hann tók við A-landsliðinu.
Mögulega verður Yossi Benayoun, yfirmaður fótboltamála, líka látinn taka pokann sinn en virtasti íþróttafréttamaður Ísraels sagði við Fótbolta.net í kvöld að það væri þó ekki loku fyrir það skotið að hann fengi að halda starfinu, hefði hann yfirhöfuð sjálfur áhuga á því.
Athugasemdir