Enska úrvalsdeildin hefur kært Leicester fyrir brot á fjármálareglum á síðustu leiktíð en liðið féll úr úrvalsdeildinni á síðustu leiktíð og situr nú í 2. sæti ensku Championship deildarinnar.
Félagið hefur verið dæmt í félagaskipta bann.
Nottingham Forest var einnig kært fyrr á þessari leiktíð og fjögur stig voru dregin af liðinu. Leicester gæti fengið harðari refsingu en það mun ekki taka gildi á þessari leiktíð.
Leicester ætlar að fara í mál við Úrvalsdeildina og ensku deildakeppnina (EFL). Félagið hefur sent frá sér yfirlýsingu vegna málsins.
„Félagið hefur rétt á því að tryggja að allar ákærur séu réttlætanlegar og séu á réttan hátt ákvarðaðar, í samræmi við gildandi reglur, af réttum aðilum og á réttum tíma," segir m.a. í yfirlýsingu félagsins.
