Heimild: SkySports
Louis van Gaal virðist hafa stýrt Man Utd í síðasta skiptið í gær þegar liðið vann enska bikarinn.
Strax að leik loknum bárust fréttir af því að verið væri að ganga frá samningum við Jose Mourinho um að taka við félaginu og hafa enskir fjölmiðlar fylgst grannt með gangi mála í kjölfarið.
Þegar van Gaal yfirgaf hótel Man Utd í London nú rétt í þessu gekk fréttamaður Sky Sports á eftir honum og spurði hann út í framhaldið.
„Nei, þetta er búið," var það eina sem van Gaal hafði að segja.
Vitað er að forráðamenn Man Utd eru enn í London eftir leik gærdagsins en Mourinho er sömuleiðis staddur í ensku höfuðborginni.
Athugasemdir