Cristiano Ronaldo er kominn til móts við portúgalska landsliðið fyrir leik liðsins gegn Slóveníu.
Roberto Martinez, þjálfari landsliðsins, gaf Ronaldo frí í fyrri leiknum gegn Svíþjóð, sem Portúgal vann 5-2.
Ronaldo ákvað að skoða sig um í Sádi-Arabíu í fríinu áður en hann kom til móts við hópinn í gær.
Sóknarmaðurinn æfði með liðinu og eru því allar líkur á því að hann spili landsleik númer 206 á morgun.
Evrópumótið í sumar verður það sjötta á ferli Ronaldo en á síðasta móti endaði hann markahæstur með fimm mörk.
Athugasemdir