23 manna leikmannahópur Íslands hefur verið uppfærður á heimasíðu UEFA fyrir leikinn gegn Úkraínu sem fram fer í kvöld.
Ein breyting er á hópnum frá leiknum gegn Ísrael: Jóhann Berg Guðmundsson kemur inn fyrir Arnór Sigurðsson sem meiddist í leiknum.
Ein breyting er á hópnum frá leiknum gegn Ísrael: Jóhann Berg Guðmundsson kemur inn fyrir Arnór Sigurðsson sem meiddist í leiknum.
Stefán Teitur Þórðarson var kallaður inn í hópinn á fimmtudagskvöld en hann er 24. maður í dag og er því utan hóps.
Jóhann Berg gat ekki spilað gegn Ísrael en hann hefur verið á síðustu æfingum landsliðsins og verður með fyrirliðabandið ef hann byrjar í kvöld.
Leikurinn gegn Úkraínu er úrslitaleikur um sæti á EM í sumar. Hann hefst klukkan 19:45 að íslenskum tíma og fer fram á heimavelli Slask Wroclaw í Póllandi.
Athugasemdir
