Skagamaðurinn meiddist í 4-1 sigri Íslands á Ísrael í undanúrslitum EM-umspilsins.

Ísraelinn Roy Revivo fór í háskalega tæklingu á Arnóri og uppskar rautt spjald fyrir en Arnór gat ekki haldið leik áfram.

Hann var þá ekki með Íslandi í úrslitaleiknum gegn Úkraínu og hefur Eustace nú staðfest að Arnór verði ekki meira með á þessu tímabili.

„Það er stórt högg fyrir okkur varðandi Arnór. Hann varð fyrir ljótu sparki og að ég held verður því miður frá út tímabilið,“ sagði Eustace.

„Þetta var mjög sein tækling. Hann fór í myndatöku og þetta verða að minnsta kosti tíu vikur. Siggy hefur komið inn og gert mjög vel í síðustu leikjum. Ég hef verið mjög ánægður með frammistöðu hans. Þetta er landsliðsmaður sem getur skorað mörk, þannig þetta verður mikil blóðtaka fyrir okkur, en þetta mun líka gefa öðrum tækifæri til að stíga upp,“ sagði hann enn fremur.