Þessu er þar með lokið hér í Sviss Það verður ekkert skautað framhjá því að þetta var bara ekki nógu gott. Jákvæð teikn á lofti svo sem framan af en það er bara ekki nóg. Hvað brást? Var það þjálfarinn? Var það liðið? Eða er Sviss einfaldlega betra lið en við í dag? Spurningar sem er kannski ekkert einfalt að svara en margir munu spyrja sig fyrir því. VIðbrögð frá Sviss væntanleg.

Glódís með skalla í hliðarnetið eftir sókn Íslands.

Alayah Pilgrim í dauðafæri eftir snögga sókn Sviss en Cecilía ver vel. Sviss á horn

Sviss sundurspilar íslensku vörnina og eru að komast í dauðafæri en Guðrún Arnardóttir bjargar með hreint út sagt ótrúlegri tæklingu. Raggi Sig vs Jamie Vardy 2016 dæmi

Púðrið virðst búið hjá okkar konum. Heimakonur í Sviss með tögl og haldir hér á vellinunm þessa stundina og fátt sem bendir til endurkomu.

Wandeler með sniðuga tilraun fyrir Sviss. Lyftir boltanum vinstra megin úr teignum að marki en boltinn í ofanverða slánna.

Karólína Lea með skot úr teignum eftir fínt spil Íslands en því miður beint á Peng.

Íslenska liðið virðist vera að finna aukagír. Meiri ákfefð í sóknarleik liðsins. Svisslendingar ósáttir við innköst Sveindísar og tímann sem fer í þau.

Stórhætta í teig Sviss eftir innkast Sveindísar en það vantar árásargirni á boltann í teignum. Koma svo!

Noelle Maritz hvernig tekst henni alltaf að vera fyrir? Fær fá jólakort frá Íslandi næstu jól.

Tók Hafrúnu svona 6 sekúndur að koma sér í "færi" á skot úr teignum en hittir ekki markið.

Ísland fær hornspyrnu. Nafni minn Geirdal vallarþulur Víkinga myndi henda í "og koma svo!" Dagný með skalla en nær ekki að stýra boltanum í átt að marki eftir hornið.

Klukkutími liðinn hér. Hvað fer í gegnum huga Þorsteins og félaga? Eru breytingar í vændum?

Beney með hörkuskalla að marki eftir snögga sókn Sviss. Klárlega brotið á Öglu Maríu í aðdraganda hennar en sú spænska er ekkert að dæma á það.

Dagný vinnur boltann með góðri tæklingu við teig Sviss. Sveindís með boltann úti til vinstri lyftir honum inn á teiginn en Peng hálfu skrefi á undan Söndru í boltann.

Sviss brunar í sókn og vinna hornspyrnu

Þessi varð að koma einu sinni. Sviss kemur boltanum frá.

Svenja Fölmli í þröngu færi í teig Íslands með skot í hliðarnetið.

Peng límd á línunni og skotið er gott en sentimetrum of hátt. Fer í ofanverða þverslánna.

Noelle Maritz keyrir Öglu Maríu í grasið og brot dæmt. Voru að takast á augnablikum áður. Ætla fullyrða að þetta var viljandi.

Engar breytingar í hálfleik hjá liðunum. Sviss sparkar okkur af stað á ný.

Maður sá hann í borginni í dag klæddur í íslensku landsliðstreyjuna og með trefil merktan íslenska landsliðinu. Hann var svo hér í röðinni að bíða eftir mat í hálfleik. Ekki að sjá að þarna er leikmaður úr ensku úrvalsdeildinni. Hann er ótrúlega vingjarnlegur og kemur virkilega vel fyrir.

Líkt og ég sagði hér áðan þá er þetta töluvert betri frammistaða en í leiknum gegn Finnum á dögunum. Það er þó töluvert rými til bætingar. Svæðin til að sækja í eru til staðar en það þarf að þora að stíga upp og sækja í þau. Ég trúi ekki öðru en liðið og þjálfarateymið horfi á þennan fyrri hálfleik og sjái að með því að skipta upp um gír sé þessi leikur þeirra til að vinna. Komum Karólínu í millisvæðið og gefum þeim Svissnesku eitthvað til þess að hugsa um með Sveindísi og Öglu á vængjunum. Ég í það minnsta ætla að halda áfram að trúa.

Með boltann: Ísland 42-58 Sviss Sendingar: Ísland 140-185 Sviss Heppnaðar: Ísland 99-145 Sviss Skot: Ísland 3-3 Sviss Vegalengd: Ísland 56,7 km - 57,9 km Sviss

Himin og haf skilur að frammistöðu Íslands í kvöld frá leiknum gegn Finnum á dögunum. Það vantar samt ennþá eitthvað extra uppá sem ég ætla leyfa mér að segja að verði fundið inn í klefa nú í hálfleik.

Liggur fullmikið á okkur þessa stundina. Athyglisvert að dómarar leiksins virðast ekki þekkja hvernig taka á innkast. Sviss í tvígang með kolvitlaust innkast í kvöld sem látið er óátalið.

Beney með stuuuuurlað skot eftir að aukaspyrna var skölluð út úr teig Íslands. Tekur hann í fyrsta af 25 metrunum og setur hann hárfínt fram hjá markinu. Einhverjir í stúkunni sáu þennan inni.

Talsvert verið um tafir

Schertenleib með hræðilega ákvörðun fyrir Sviss en frábæra fyrir Ísland. 4 á 3 frá Sviss og Schertenleib með boltann. Með valkosti til beggja handa ákveður hún að skjóta af löngu færi og setur boltann víðsfjarri markinu. Við þökkum fyrir það.

En Iman Beney eltir hana uppi og verst frábærlega. Sveindís dæmd brotleg.

Glósdís flikkar boltanum lengra inn á teiginn, Sandra María nær skoti "afturfyrir" sig og hittir á markið. Peng ekki í vandræðum þó með að grípa boltann.

Leikurinn gríðarlega jafn og hart barist um allan völl. Þurfum þetta aðeins extra. Svendís Jane býr sig undir langt innkast.

Nadine Riesen fer frekar illa með Guðrúnu á vinstri væng Sviss. Kemst auðveldlega framhjá henni og kemur boltanum inn á teiginn en Cecilía með þetta allt á hreinu.

Sveindís Jane fær högg í andlitið...... sú spænska dæmir brot en sér ekki ástæðu til þess að lyfta spjaldi.

Guðný Árnadóttir fer niður í grasið. Virðist togna aftan í læri og hefur að öllum líkindum lokið leik.

Markið er dæmt af og það réttilega. VAR teymið fljótt að kalla þá spænsku í skjáinn að skoða. Ákvörðun hennar tók svo ekki langan tíma,

Og Ísland kvartar yfir broti í teignum, Augljós ólögleg hindrun á Fömli sem skorar.

Iman Beney sækir horn fyrir Sviss

Teiprúlla rifinn fram, Karólína klæðir sig úr skónum og fær eflaust alla rúlluna á ökklann.

Karólína misstígur sig eftir brot á henni. Snýr upp á ökklann en Karó er gerð úr stáli og stendur á fætur.

Ég ætla að leyfa mér að fullyrða að frammistaða Íslands þessar fyrstu rúmu tuttugu mínútur er að mörgu leyti þrepi ofar en gegn Finnum á dögunum. En liðið á samt helling inni sem ég kalla eftir. Fyrirgjöf frá hægri sem Dagný gerir atlögu að. Calligaris skrefinu á undan og nær að bægja hættunni frá.

Dagný í skotfæri í teignum sem fer af varnarmanni. Dagný liggur eftir enda fékk hún kjaftshögg í kjölfarið. Óviljaverk og ekkert gert í því.

Eftir kaotískar upphafsmínútur væri gott að sjá Ísland færa sma ró í sinn leik. Köllum eftir því að þær þori að halda boltanum og spila fram.

Sveindís Jane vinnur boltann á vallarhelmingi Íslands en fær þungt spark í kjölfarið og liggur eftir. Fær hné Svisslendings aftan á hálsinn. Vonum að hún sé í lagi og geti haldið áfram.

Bæði lið mætt af fullum krafti til leiks og keyra upp hraða leiksins.

Fara óhikað í pressu hátt á vellinum. Eru hársbreidd frá því að koma Sveindísi í færi en Sviss bjargar.

Heimakonur í Sviss bruna upp völlinn og vinna fyrsta horn leiksins. Miðvörðurinn Stierli fyrst á boltann eftir hornið en setur boltann fjarri marki Íslands.

Langt innkast frá Sveindísi frá vinstri berst inn á teiginn. Heimakonur ná ekki að hreinsa boltann frá sem fellur fyrir fætur Ingibjargar sem á bylmingsskot sem smellur í samskeytunum og út. Svo nálægt því þarna!

Þetta er farið af stað í Sviss. Vonandi sjáum við lið Íslands sækja af alefli til sigurs í dag. Áfram Ísland!

Líkt og á öðrum leikjum mótsins undanfarna daga er mínútu þögn til að minnast Diego Jota og bróður hans André sem létust í hörmulegu slysi á dögunum.

Liðin eru að fara að ganga út. Er að fara bresta á. Það er gríðarleg stemning og verða mikil læti hér í kvöld.

Það er verið að syngja Ég er kominn heim hástöfum á vellinum og það er alvöru gæsahúð í gangi.

Leikvangurinn er að troðfyllast og það verður ótrúlega mikil stemning hérna á eftir. Það er stórt fyrir íslenska liðið að fá að taka þátt í þessari veislu og þær verða að njóta þess. Taka stressið og snúa því upp í eitthvað jákvætt. Þá gerast góðir hlutir.

Hinn leikurinn í riðli Íslands kláraðist núna fyrir stuttu og þar vann Noregur sigur á Finnlandi, 2-1. Alls ekki sannfærandi hjá Noregi en þær eru búnar að vinna báða leikina.

Við hittum fótboltaþjálfarann Gunnar Magnús Jónsson fyrir utan völlinn og ræddum aðeins við hann.

Það var mikil stemning á stuðningsmannasvæðinu niðri í bæ. Fótbolti.net tók nokkur viðtöl sem má sjá hér fyrir neðan.

Það er stærsta spurningin fyrir kvöldið. Hefur verið að glíma við magakveisu en verður vonandi með í þessum leik. Hún er fyrirliðinn okkar og besti leikmaðurinn í liðinu. Þorsteinn Halldórsson, landsliðsþjálfari, sagði að það yrði tekin ákvörðun með það í hádeginu í dag hvort hún myndi spila.

Heitir Marta Huerta De Aza og kemur frá Spáni. Er kennari með dómgæslunni.

Það er svo sannarlega vonandi að sagan muni ekki endurskrifa sig í kvöld þegar Ísland mætir Sviss á Evrópumótinu. Árið 2017 vorum við í alveg eins stöðu en féllum út á Evrópumótinu eftir leik númer tvö á móti Sviss.

Það eru nokkrir áhugaverðir leikmenn í liði Sviss. Þorsteinn Halldórsson, landsliðsþjálfari, var spurður að því á fréttamannafundi í gær hvaða leikmenn við þyrftum helst að fókusa á í svissneska liðinu. Nefndi fréttamaður Fótbolta.net Liu Walti, leikmann Arsenal, og Sydney Schertenleib, leikmann Barcelona, í spurningunni. „Þú sagðir eiginlega bara nöfnin," sagði Steini og brosti. „Það eru þarna fleiri leikmenn sem eru virkilega góðir. Ef þú horfðir á leikinn gegn Noregi þá sástu vængbakverðina sem spiluðu frábærlega. Svo eru þær heilt yfir með góða leikmenn. Hún kom bara inn á, ég kann ekki að bara fram nafnið á henni (Schertenleib), sorrý. Senterarnir hjá þeim í leiknum voru virkilega góðir. Liðið er með góða leikmenn. Þú skoðar bara í hvaða liðum þær eru að spila, þetta eru flottir leikmenn."

Goðsögnin Pia Sundhage er þjálfari Sviss. Sviss er á heimavelli á mótinu og væntingarnar eru miklar til liðsins. Sundhage er orðin 65 ára gömul og hefur á glæstum þjálfaraferli meðal annars stýrt landsliðum Bandaríkjanna, Svíþjóðar og Brasilíu. Hún vann á sínum tíma tvö Ólympíugull sem þjálfari bandaríska landsliðsins.

Eftir að hafa fengið rauða spjaldið í síðasta leik, þá er Hildur Antonsdóttir í leikbanni í dag. Hún mun sitja upp í stúku.

Fótbolti.net er auðvitað í Sviss og á síðustu dögum höfum við tekið nokkur viðtöl en tenglar á þau eru hér fyrir neðan.

Það má með sanni segja að það sé allt undir hér í dag. Bæði lið eru án stiga fyrir leikinn og þurfa á þremur stigum að halda. Það er ekki verið að fara að spila fyrir neitt jafntefli. Ég held að það sé alveg nokkuð ljóst. Staðan í riðlinum: 1. Noregur - 3 stig 2. Finnland - 3 stig 3. Ísland - 0 stig 4. Sviss - 0 stig Noregur og Finnland mætast klukkan 16:00 að íslenskum tíma í dag. Verður það mjög áhugaverður leikur.

Það er komið að leik númer tvö hjá íslenska landsliðinu á Evrópumótinu í Sviss. Í kvöld spilum við heimakonur í Sviss og við þurfum nauðsynlega á sigri að halda. Endilega fylgist með í beinni textalýsingu!