Fótbolti.net

Allur pakkinn dró Djuric norður - „KA er stórveldið á Akureyri"

Óskar Hrafn: Forréttindi að þjálfa þessa tvo ungu menn

Jökull: Eitthvað sem enginn hjá okkur sættir sig við

Leandro: Þegar maður stendur sig vel á Íslandi skapast ýmis tækifæri

Þrenna í fyrsta leik - „Þetta er það sem okkur hefur vantað"

„Töluvert síðan að hópurinn var klár en hann var ekki að spila leikinn í dag"

Siggi Höskulds: Eins og að vera mættur á Pollamótið aftur

Hemmi Hreiðars: Ekki nálægt því að vera þannig

Erfitt að fá mínútur hjá Víkingi - „Vonandi get ég haldið þessu áfram“

Nýliðinn ósáttur þrátt fyrir stóra sviðið: „Við hefðum getað gert aðeins betur“

Alexandra: „Leyfðum þeim að krossa full auðveldlega"

Stigalausar og markalausar - „Auðvitað dreymir mann alltaf um eitthvað“

Fyrirliðinn sér bjarta framtíð: „Hún er á svipuðum aldri og ég þegar ég kom fyrst inn“

Fyrrum leikmaður ÍBV og landsliðsmarkvörður Englands um leikinn

Vilja Fanneyju og Guðrúnu með á eyðieyjuna

Glódís fyrir leikinn gegn Englandi: „Mætum með kassann úti“

Karólína Lea: Þurfum að passa vinkonu mína, hún er heit

Steini: Þurfum að gæta Russo vel inn í boxi

Diljá Ýr: Tek mínu hlutverki og reyni að gera það sem best

Sædís Rún: Auðvitað langar manni að spila á hærra leveli

fös 04. júlí 2025 15:00

Guðmundur Aðalsteinn Ásgeirsson
Thun

Ræða forsetans gladdi - „Við sögðum allt sem lá á hjartanu"

Sandra María Jessen.

Mynd: Fótbolti.net - Guðmundur Aðalsteinn Ásgeirsson

Dóttir Söndru Maríu er að koma út.

Mynd: Fótbolti.net - Hafliði Breiðfjörð

„Við leyfðum okkur fyrst og fremst að vera svekktar og sárar um kvöldið eftir leik. Þegar það var kominn nýr dagur í gær ákváðum við að eina leiðin til að halda áfram væri að horfa fram veginn og fókusa á næsta leik," sagði Sandra María Jessen, landsliðskona, við Fótbolta.net í dag.

„Við byrjuðum daginn á að fá mjög peppandi orð frá forsetanum okkar. Svo settumst við saman niður og fórum yfir hvað gekk vel en aðallega yfir það hvað fór úrskeiðis. Við sögðum allt sem lá á hjartanu og vitum hvað við ætlum að gera til að vera gíraðar og tilbúnar í leikinn á sunnudag."

Halla Tómasdóttir, forseti Íslands, heimsótti íslenska liðið í gærmorgun og snæddi með því morgunverð.

„Það var mjög gaman. Auðvitað hefði það verið skemmtilegra eftir sigurleik. En að sama skapi var það mjög gaman og hvetjandi. Hún var í alvöru með mjög góða ræðu fyrir okkur og það var gaman að fá smá gleði. Þegar hún var farin kom fjölskyldan og við nutum. Þessi dagur snerist mikið um að næra sálina og lyfta manni aðeins upp," sagði Sandra.

Hennar fjölskylda er komin út til Sviss að styðja við bakið á henni í baráttunni á EM.

„Foreldrar mínir, bræður og þeirra fjölskyldu hafa verið hérna og voru á fyrsta leiknum. Unnusti minn og barn eru í flugvélinni á leiðinni. Það er rosalega gott að vita að á sunnudag verða allir mínir stuðningsmenn í stúkunni," sagði Sandra.

Stuðningsmenn Íslands voru frábærir á leiknum gegn Finnlandi.

„Stórt hrós á alla Íslendinga sem voru í stúkunni. Þið voruð geggjuð. Það var gaman að horfa upp í stúku og sjá hvað það voru margir að styðja okkur. Ég held að Íslendingar séu bestu stuðningsmenn í heimi. Hvort sem það gengur vel eða illa þá eru allir alltaf jafntilbúnir að peppa mann í stúkunni. Þetta er í alvörunni eitthvað sem skiptir máli. Við þurfum á öllum stuðningi að halda."

Allt viðtalið má sjá í spilaranum hér að ofan.