Katla Tryggvadóttir.
Ísland fagnar marki í síðasta leik sínum gegn Sviss.
„Morguninn eftir fórum við strax að greina, núllstilla okkur og þétta okkur saman. Sá leikur er búinn og núna er allur fókus á Sviss," sagði landsliðskonan Katla Tryggvadóttir við Fótbolta.net í dag.
Stelpurnar byrjuðu Evrópumótið á tapi gegn Finnlandi en það eru tveir leikir eftir. Núna, eins og Katla segir, er allur fókus á Sviss sem er næsti leikur.
Stelpurnar byrjuðu Evrópumótið á tapi gegn Finnlandi en það eru tveir leikir eftir. Núna, eins og Katla segir, er allur fókus á Sviss sem er næsti leikur.
Hvernig líst þér á að mæta Sviss sem er á heimavelli í þessu móti?
„Bara rosalega vel. Það á eftir að vera mikið af fólki á vellinum sem er rosalega gaman. Maður fær mikla orku frá áhorfendunum í kringum sig."
Við þekkjum svissneska liðið vel eftir að hafa mætt þeim tvisvar í Þjóðadeildinni. Leikirnir þar enduðu 0-0 og svo 3-3.
„Við þekkjum þær vel og vita hvernig þær spila. Þær spiluðu reyndar aðeins hærra með vængbakverðina sína í síðasta leik. En það verður rosa spennandi að sjá hvernig þær ætla að mæta okkur," sagði Katla.
Síðasti leikur gegn Sviss var svakalegur á Þróttaravellinum. Hann endaði með 3-3 jafntefli þar sem Sviss komst í 0-2 og svo í 1-3. Karólína Lea Vilhjálmsdóttir gerði þrennu þar.
„Hvað gerðist ekki í þeim leik? Íslenska liðið er þekkt fyrir flottan karakter og það eru margir góðir karakterar í þessum hóp. Við getum komið til baka eftir hvað sem er," sagði Katla. Þetta mót er ekki búið þrátt fyrir tap í fyrsta leik. Það eru tveir leikir eftir.
„Við erum bara með sömu markmið og fyrir mót. Við erum tilbúin að leggja allt í sölurnar til að ná þessum markmiðum. Þetta er ekki búið. Þetta er rétt að byrja," sagði þessi efnilegi leikmaður að lokum.
Allt viðtalið má sjá í spilaranum hér að ofan.
Athugasemdir
