Fótbolti.net

Allur pakkinn dró Djuric norður - „KA er stórveldið á Akureyri"

Óskar Hrafn: Forréttindi að þjálfa þessa tvo ungu menn

Jökull: Eitthvað sem enginn hjá okkur sættir sig við

Leandro: Þegar maður stendur sig vel á Íslandi skapast ýmis tækifæri

Þrenna í fyrsta leik - „Þetta er það sem okkur hefur vantað"

„Töluvert síðan að hópurinn var klár en hann var ekki að spila leikinn í dag"

Siggi Höskulds: Eins og að vera mættur á Pollamótið aftur

Hemmi Hreiðars: Ekki nálægt því að vera þannig

Erfitt að fá mínútur hjá Víkingi - „Vonandi get ég haldið þessu áfram“

Nýliðinn ósáttur þrátt fyrir stóra sviðið: „Við hefðum getað gert aðeins betur“

Alexandra: „Leyfðum þeim að krossa full auðveldlega"

Stigalausar og markalausar - „Auðvitað dreymir mann alltaf um eitthvað“

Fyrirliðinn sér bjarta framtíð: „Hún er á svipuðum aldri og ég þegar ég kom fyrst inn“

Fyrrum leikmaður ÍBV og landsliðsmarkvörður Englands um leikinn

Vilja Fanneyju og Guðrúnu með á eyðieyjuna

Glódís fyrir leikinn gegn Englandi: „Mætum með kassann úti“

Karólína Lea: Þurfum að passa vinkonu mína, hún er heit

Steini: Þurfum að gæta Russo vel inn í boxi

Diljá Ýr: Tek mínu hlutverki og reyni að gera það sem best

Sædís Rún: Auðvitað langar manni að spila á hærra leveli

fim 03. júlí 2025 13:30

Guðmundur Aðalsteinn Ásgeirsson
Thun

Vann með Frank Lampard áður en hann tók til starfa hjá KSÍ

Tom Goodall,

Mynd: Fótbolti.net - Guðmundur Aðalsteinn Ásgeirsson

Tom Goodall að störfum.

Mynd: Fótbolti.net - Hafliði Breiðfjörð

„Starfið mitt felst í því að greina næstu andstæðinga en líka okkur sjálf, að greina æfingar og þess háttar. Svo við förum inn í leiki eins vel undirbúin og hægt er. Ég styð við þjálfarana og leikmennina," segir Englendingurinn Tom Goodall í samtali við Fótbolta.net.

Hann er greinandi fyrir íslenska landsliðið á Evrópumótinu í Sviss en hann hefur starfað fyrir KSÍ í þrjú og hálft ár núna.

„Í heildina hef ég unnið við þetta í ellefu ár. Ég byrjaði í Englandi og Bandaríkjunum, en hef verið hjá KSÍ síðastliðið þrjú og hálft ár. Ég lærði íþróttavísindi og í því námi gerði ég mér grein fyrir því að þetta væri leið fyrir mig. Að vinna í fótboltaheiminum er skemmtilegt," segir Tom.

Varstu fótboltaleikmaður á árum áður?

„Ég spilaði fótbolta en ekki á háu stigi. Ég spilaði alltaf og horfði alltaf á leiki. Þetta var náttúrulegt fyrir mig að fara inn í starf þar sem ég fæ að horfa á fótbolta."

Tom er stuðningsmaður Derby County og vann þar sem greinandi áður en hann kom til starfa hjá KSÍ. Hann vann líka hjá ensku félögunum Swansea og Forest Green Rovers.

„Ég vann hjá ýmsum félögum á Englandi, en ég byrjaði í landsliðsfótbolta hjá bandaríska kvennalandsliðinu. Ég studdi þær á HM 2015. Það var svo frábært að vinna hjá Derby, mínu heimafélagi, með Frank Lampard þegar hann var stjóri þar," sagði Goodall

En hvernig var að vinna með Lampard?

„Það var frábært. Ég ólst upp við að horfa á hann og svo ertu allt í einu að vinna fyrir hann. Það var frábær reynsla og það var gaman að sjá hann á æfingasvæðinu."

Hvernig kom það samt til að þú fórst að vinna með íslensku landsliðunum?

„Fyrir þremur og hálfu ári voru held ég tekin samtöl innan KSÍ að bæta greiningarstarfið innan sambandsins. Ég held að það hafi ekki verið neinir greinendur á Íslandi á þeim tíma. Þeir höfðu samband við mig í gegnum fyrirtækið sem ég vann fyrir á þeim tíma, Hudl, sem er notað af mörgum félögum víða um heim. Ég kom fyrst í tveggja vikna ráðgjafastarf en þremur og hálfu ári síðar er ég enn hérna," sagði Tom sem segir það frábært að vinna með kvennalandsliðinu og öðrum landsliðum Íslands.

Að vera fótboltagreinandi er tilölulega nýtt starf á Íslandi en í viðtalinu hér að ofan ræðir Tom það frekar. Hann segir að starfið sé að þróast á Íslandi en fólk sem hefur áhuga á því getur haft samband við hann og fengið frekari upplýsingar.