Fótbolti.net

Kristian mætir funheitur í kanadíska kuldann - „Það besta sem maður gerir“

Aron Einar fann fyrir áhyggjum og hræðslu sinna nánustu - „Óþægilegt að vera í landi þar sem eru sprengingar“

Lúðvík ánægður að fá traustið: Riðillinn er galopinn

Gísli Gotti: Átti gott samtal við Arnar

Daníel Tristan hreinskilinn: Hún hefur alveg verið betri

Viktor Bjarki: Geggjað að sjá nafnið en pæli ekki mikið í þessu

Júlíus Mar: Hausinn vildi fara út

„Menn þurfa að vera á tánum til að spila í Víkingstreyjunni“

„Enginn sem óskar sér þess að mæta Víkingi“

Gæðastjórinn ætlar að reikna út xF

Birkir Már: Hefði sagt takk en nei takk væri hann ekki þarna

Víkingar unnu FH og Stjörnuna í dag - „Gera mér virkilega erfitt fyrir að velja í liðið“

Jökull: Yrði mjög sérstakt ef við myndum breyta einhverju þar

Heimir: Vel mannaðir, með frábæran þjálfara og ætla sér stóra hluti

Óskar Hrafn: Hef fullan skilning á því að okkur sé spáð 6. sæti

„Flottasta treyja sem við höfum spilað í"

„Fór frá því að spila yfir í það að mega ekki vera með á æfingum“

Sölvi: Teljum okkur vera með þannig hóp í ár

Stærsti samningur í sögu Víkings

Gylfi vonast til að vera mættur til að vera í landsliðinu - „Vonandi sem lengst“

fim 03. júlí 2025 14:00

Guðmundur Aðalsteinn Ásgeirsson
Thun

„Viðurkenning fyrir hana og íslenskan fótbolta"

Ólafur Pétursson, markvarðarþjálfari landsliðsins.

Mynd: Fótbolti.net - Guðmundur Aðalsteinn Ásgeirsson

Cecilía stóð sig vel í fyrsta leiknum á EM í gær.

Mynd: EPA

Ólafur Pétursson, markvarðarþjálfari kvennalandsliðsins, er núna á sínu þriðja stórmóti með liðinu. Hann ræddi við Fótbolta.net fyrir æfingu liðsins í Sviss í dag.

„Þetta er það skemmtilegasta sem maður gerir sem þjálfari, að komast á svona stórt svið. Það er alltaf að stækka líka. Umgjörðin er frábær, við erum með frábært starfsfólk og ég er með frábært markvarðarteymi með mér. Fjölskyldan er líka á leiðinni út. Þetta er æðislegt," sagði Óli við Fótbolta.net í dag.

Ísland tapaði 1-0 gegn Finnlandi í fyrsta leik í gær. Það voru svekkjandi úrslit.

„Nú er það bara búið. Næsti leikur er við Sviss. Við undirbúum hann vel og ætlum að taka þrjú stig þar."

Mikil viðurkenning
Cecilía Rán Rúnarsdóttir er einn mest spennandi markvörður í heimi. Hún lék sinn fyrsta leik á stórmóti í gær og getur svo sannarlega gengið stolt frá borði. Hún var besti leikmaður Íslands í leiknum.

„Hún var mjög öflug og vel undirbúin. Hún fær frábæran stuðning frá Fanneyju og Telmu, en þær gætu allar spilað á mótinu. Við hjálpumst mikið að og undirbúum okkur vel. Hún er róleg og yfirveguð og náttúrulega frábær markvörður."

Cecilía hefur verið að taka frábær skref á sínum ferli eftir að hún sneri til baka úr meiðslum. Hún var markvörður ársins á Ítalíu á síðustu leiktíð og gerði Inter hana svo að næst dýrasta markverði sögunnar á dögunum.

„Það er jákvætt fyrir okkur að hún sé að spila og sé valin besti markvörðurinn á Ítalíu á síðasta tímabili. Vonandi er bara áframhald á því. Inter voru það ánægðir með hana að þeir vildu kaupa hana sem er bara geggjað."

„Þetta er frábært skref fyrir hana og viðurkenning fyrir hana og íslenskan fótbolta," sagði Óli.