Flugi Manchester United til Newcastle hefur verið aflýst og þarf því liðið að ferðast með rútu í leikinn sem fram fer í kvöld.
Newcastle fær Man Utd í heimsókn á St. James' Park klukkan 20 í kvöld en leikmenn Man Utd voru mættir út á flugvöll þegar þeim var tilkynnt að fluginu hafi verið frestað vegna veðurs.
Mikill kuldi er á Bretlandseyjum og mörgum íþróttaviðburðum hefur verið frestað.
Man Utd mun því þurfa að ferðast með rútu en ferðalagið til Newcastle mun taka rúma þrjá tíma.
Manchester liðið freistar þess að koma sterkt til baka eftir að hafa gert jafntefli við Galatasaray í Meistaradeildinni í vikunni sem varð til þess að liðið berst fyrir lífi sínu í keppninni í lokaumferðinni.
Athugasemdir
