Alfreð Elías tekur við Ægi (Staðfest)

Hann náði frábærum árangri með liðið sem tryggði sér sæti í 1. deild næsta sumar eftir að hafa endað í 2. sæti 2. deildar. Þrátt fyrir það ákvað félagið að skipta um þjálfara og Guðjón Þórðarson tók við starfi hans. Alfreð Elías skrifaði svo undir tveggja ára samning við Ægi í gærkvöld.

,,Þetta er búið að eiga langan aðdraganda. Þeir hringdu í mig fyrir fjórum vikum, ég var búinn að vera í sambandi við önnur lið en mér fannst þetta mest spennandi hjá Ægi,\" sagði Alfreð Elías við Fótbolta.net í gær.

,,Öll umgjörðin og metnaðurinn hjá stjórnarmönnum heillaði mig. Þeir ætla að koma liðinu upp og mér líst vel á það.\"

,,Ég þekki voðalega lítið inn á leikmannahópinn en hef heyrt að þetta séu ungir og efnilegir strákar og reynsluboltar inn á milli sem við ætlum að byggja á,\" sagði hann.

Alfreð Elías spilaði sjálfur með BÍ/Bolungarvík í byrjun síðustu leiktíðar en varð svo fyrir því óhappi að slíta krossband í hné. En spilar hann ekki með Ægi?

,,Maður veit aldrei. Eigum við ekki að segja að ég nái kannski einum leik ef hnéð leyfir,\" sagði Alfreð Elías að lokum.