Mario Boselli til Genoa (Staðfest)

Boselli hefur verið að glíma við meiðsli aftan í læri undanfarnar vikur og því komu upp vandræði í læknisskoðuninni en leikmaðurinn stóðst skoðunina að lokum og því náðist að ganga frá samningum.

Boselli kom til Wigan á metfé frá Estudiantes í sumar en talið er að kaupverðið hafi hljóðað upp á sex milljónir punda.

Boselli hefur gengið mjög illa að finna sig í enska boltanum en hann hefur ekki náð að skora í átta leikjum með Wigan.

Þessi 25 ára gamli leikmaður fær núna tækifæri til að sanna sig hjá Genoa sem á möguleika á að kaupa Boselli eftir tímabilið.