Simons orðaður við Man Utd - Calafiori færist nær Arsenal - West Ham hefur áhuga á Tomori
   fös 14. apríl 2023 10:58
Guðmundur Aðalsteinn Ásgeirsson
Gylfi verður ekki ákærður og er laus allra mála (Staðfest)
Gylfi Þór Sigurðsson.
Gylfi Þór Sigurðsson.
Mynd: Fótbolti.net - Hafliði Breiðfjörð
Gylfi á leik á EM kvenna síðasta sumar.
Gylfi á leik á EM kvenna síðasta sumar.
Mynd: Fótbolti.net - Hafliði Breiðfjörð
Fótbolti.net var að fá yfirlýsingu frá lögreglunni í Manchester þess efnis að Gylfi Þór Sigurðsson verði ekki ákærður fyrir kyn­­ferðis­brot gegn ólög­ráða ein­stak­lingi og er hann því laus allra mála.

Gylfi var handtekinn í júlí 2021, grunaður um kyn­­ferðis­brot gegn ólög­ráða ein­stak­lingi. Rannsókn á málinu lauk loksins í janúar síðastliðnum.

Saksóknaraembættið fékk gögnin í hendurnar frá lögreglunni þann 31. janúar síðastliðinn. Það var í höndum saksóknaraem­bættisins að ákvarða næstu skref, hvort á­kært yrði í málinu eða það fellt niður. Núna hefur sú ákvörðun verið tekin að fella málið niður eftir tæplega tveggja ára ferli.

„Maðurinn, sem er 33 ára, sem var handtekinn í tengslum við rannsókn sem hófst í júní 2021 er laus allra mála. Rannsóknarteymið og ríkissaksóknari hafa unnið saman og komist að þeirri niðurstöðu að sönnunargögnin sem liggja fyrir á þessum tíma ná ekki þeim þröskuldi sem settur er fram í reglum saksóknara," segir í yfirlýsingunni.

Í yfirlýsingunni segir einnig:

„Lögreglan á Stór-Manchester svæði er staðráðin í að rannsaka allar ásakanir til að tryggja bestu mögulegu niðurstöðu fyrir alla hlutaðeigandi og mun halda áfram að vinna með samstarfsstofnunum til að tryggja að einstaklingar fái stuðning í rannsóknum og víðar."

Gylfi hefur verið laus gegn tryggingu frá því skömmu eftir hand­töku þann 16. júlí á síðasta ári og hefur það fyrir­komu­lag verið fram­lengt nokkrum sinnum.

Gylfi, sem er 33 ára, lék 78 landsleiki fyrir Ísland á árunum 2010-2020. Hann var samningsbundinn Everton þegar hann var handtekinn en samningur hans við félagið rann út á síðasta ári.

Áhugavert verður að fylgjast með því hvort Gylfi muni tjá sig um þetta mál einhvern tímann. Það verður svo sannarlega fróðlegt að fylgjast með framvindunni.
Athugasemdir
banner
banner