Hin Hliðin - Andri Fannar Stefánsson (Valur)

Fullt nafn: Andri Fannar Stefánsson

Gælunafn: AFS

Aldur: Að detta í tvítugt

Giftur / sambúð? Í sambandi með Hildi Mist

Börn: Nei

Hvað eldaðir þú síðast? Sambland af pasta, kjúklingi og salati

Hvað vilt þú fá á pizzuna þína? Eins mikið og er í boði

Uppáhaldssjónvarpsefni? Kemst lítið að fyrir fótboltanum

Besta bíómyndin? Inception af þessum sem hafa komið út á síðustu árum

Uppáhaldstónlistarmaður: Brandon Flowers og Bono

Uppáhaldsdrykkur? Vatn

Uppáhalds vefsíða? Fótbolti.net

Frægasti vinur þinn á Facebook? Gylfi Þór Sigurðsson kemur fyrst upp í hugann

Ertu hjátrúarfull(ur) fyrir leiki ( ef já, hvernig þá)? Nei en reyni að fara eftir sömu rútínu fyrir alla leiki

Hvernig er best að pirra andstæðinginn? Klobbinn er sígildur

Hvaða liði myndir þú aldrei spila með? Það þyrfti eitthvað mikið að gerast til að ég myndi klæðast Þórstreyjunni

Hver var átrúnaðargoð þitt á yngri árum? Zidane, Ronaldo#9 og svo voru Owen og Gerrard flottir saman á sínum tíma

Erfiðasti andstæðingur? Mér er minnisstæður deildarbikarsleikur KA vs Valur í Egilshöll fyrir nokkrum árum. Við vorum ekki langt frá því að tapa með tveggja marka tölu og maður var orðinn ringlaður á að elta Gumma Ben á miðjunni

Ekki erfiðasti andstæðingur? ’89 og ’90 í sparkvallabolta á móti okkur í ’91, held að við séum ósigraðir!

Besti samherjinn? Mjög margir góðir en ’91 árgangurinn í KA var góður sumarið 2007, fagmenn.

Sætasti sigurinn? Það var ansi sætt að vinna Þór í vítakeppni í undanúrslitum Ísl.móts í 3. flokki

Mestu vonbrigði? Síðasta sumar eins og það leggur sig og svo voru það mikil vonbrigði að komast ekki upp úr undanriðli EM U19..vorum með flott lið

Hvað er þitt uppáhaldslið í enska boltanum? Liverpool

Ef þú fengir að velja einn leikmann í heiminum í þitt lið. Hver yrði það? Það væri ekki slæmt að vera með Messi í hópnum

Hvern í liðinu þínu myndir þú kjósa á þing? Bjössi Hreiðars án efa. Hann jarðaði Atla Svein og Matta Guðmunds í rökræðu um Icesave um daginn.

Besti knattspyrnumaður Íslands í dag? Eiður Smári

Efnilegasti knattspyrnumaður landsins? Gylfi Þór

Fallegasti knattspyrnumaðurinn í deildinni? Gísli Páll Þórsari með meiru

Fallegasta knattspyrnukonan? Valsliðið er gullfallegt

Grófasti leikmaður deildarinnar? Ásgeiri Berki leiðist ekki að tækla

Besti íþróttafréttamaðurinn? Hef gaman að Gumma Ben

Hver er mesti höstlerinn í liðinu? Halli Bjöss fær þetta (Staðfest)!

Hefurðu skorað sjálfsmark? Aldrei

Segðu okkur frá skemmtilegu atviki sem gerst hefur í leik: Man eftir einni frábærri tæklingu hjá liðsfélaga. Boltinn var dauður á miðjunni og hann renndi sér á fleygiferð og náði boltanum á undan andstæðingnum en felldi dómarann í leiðinni sem lá óvígur eftir og við brunuðum fram í skyndisókn.

Hvenar lékstu þinn fyrsta leik með meistaraflokki? 15 ára í Powerademótinu gegn Huginn

Ef þú mættir breyta einni reglu í fótbolta, hverju myndir þú breyta? Hann er góður eins og hann er.

Hvað finnst þér leiðinlegast að gera á æfingu? Niðurskokkið er leiðinlegt en skilar sínu

Hver er uppáhaldsstaðurinn þinn í öllum heiminum? Anfield í Liverpool er góður staður

Hversu lengi ertu að koma þér í gang á morgnanna? Býsna fljótur..

Hver er uppáhaldsÍÞRÓTTAMAÐURINN þinn? Xabi Alonso er toppmaður, hræðilegt þegar hann fór frá LFC

Fyrir utan knattspyrnu, fylgist þú með öðrum íþróttum? Fylgist með öllu því helsta sem er að gerast

Hvenær borgaðir þú þig síðast inn á knattspyrnuleik? Ætli það hafi ekki verið einhver landsleikur..

Í hvernig fótboltaskóm spilar þú? Adidas

Í hverju varstu/ertu lélegastur í skóla? Goðafræðin var hausverkur á sínum tíma

Vandræðalegasta augnablik? Það var hálfvandræðalegt að láta Þór rúlla yfir okkur í báðum leikjunum síðasta sumar!

Komdu með eina staðreynd um þig sem flestir vita ekki um: Á líklega stærsta safn landsins af heilum vinstri fótboltaskóm úti í bílskúr, einhverra hluta vegna voru hægri skórnir alltaf fljótari að eyðileggjast! Ef einhverjum vantar vinstri skó í stærð 42 bara hafa samband.