20.11.10 - 22:51
Hafliði Breiðfjörð
Alfreð Finnbogason í Lokeren (Staðfest)
Alfreð Finnbogason.
Mynd: Fótbolti.net - Hafliði Breiðfjörð
Alfreð Finnbogason.
Mynd: Fótbolti.net - Hafliði Breiðfjörð
Alfreð Finnbogason, besti leikmaður Íslandsmótsins 2010, skrifaði í kvöld undir samning við belgíska félagið Lokeren.
Alfreð staðfesti þetta við Fótbolta.net núna í kvöld en hann skrifaði undir tveggja og hálfs árs samning við Lokeren með möguleika á þriðja árinu.
Breiðablik hafði staðfest 3. nóvember að félagið hafi komist að samkomulagi við Lokeren um sölu á Alfreð og nú hefur leikmaðurinn samið sjálfur við félagið en hann er í Belgíu þessa stundina.
Alfreð staðfesti þetta við Fótbolta.net núna í kvöld en hann skrifaði undir tveggja og hálfs árs samning við Lokeren með möguleika á þriðja árinu.
Breiðablik hafði staðfest 3. nóvember að félagið hafi komist að samkomulagi við Lokeren um sölu á Alfreð og nú hefur leikmaðurinn samið sjálfur við félagið en hann er í Belgíu þessa stundina.
Alfreð, sem er 21 árs, var besti leikmaður Pepsi-deildarinnar síðastliðið sumar en hann varð næstmarkahstur í deildinni með fjórtán mörk. Þá er Alfreð í U21 árs landsliði Íslendinga sem vann sér á dögunum þátttökurétt á Evrópumótinu sem fer fram í Danmörku á næsta ári.
Margir íslenskir leikmenn hafa leikið með Lokeren í gegnum tíðina og þar má meðal annars nefna Arnór Guðjohnsen, Rúnar Kristinsson, Arnar Þór Viðarsson, Arnar Grétarsson og Marel Baldvinsson.
Margir íslenskir leikmenn hafa leikið með Lokeren í gegnum tíðina og þar má meðal annars nefna Arnór Guðjohnsen, Rúnar Kristinsson, Arnar Þór Viðarsson, Arnar Grétarsson og Marel Baldvinsson.
