21.04.11 - 12:08
Hafliði Breiðfjörð
Denis Abdulahi í Víking (Staðfest)
Mynd: Fótbolti.net - Tomasz Kolodziejski
Mynd: Fótbolti.net - Tomasz Kolodziejski
Finnski miðjumaðurinn Denis Abdulahi er genginn til liðs við nýliða Víkings í Pepsi-deild karla en þetta var staðfest á vef stuðningsmanna félagsins, Víkingur.net, í morgun.
Leikmaðurinn kemur til Víkings á láni frá sænska félaginu Örebro og mun aðeins spila hluta af sumrinu hér á landi.
Leikmaðurinn kemur til Víkings á láni frá sænska félaginu Örebro og mun aðeins spila hluta af sumrinu hér á landi.
Abdulahi er varnarsinnaður miðjumaður sem á að baki 35 leiki með finnska 1. deildar liðinu Viikingit en einnig hefur hann spilað þrjá leiki fyrir Örebro eftir að hann gekk í raðir þess í júlí í fyrra.
Erfiðlega hefur gengið fyrir Víking að fá hann lausan frá Örebro þar sem þjálfari liðsins hefur ekki viljað missa hann frá liðinu. Nú í morgun var þó gengið frá málum og er hann væntanlegur til landsins.
Abdulahi verður í Víkinni til fyrsta ágúst og nær því að minnsta kosti tólf leikjum með liðinu en möguleiki er á að einn leikur bætist þar við. Abdulahi æfði með Víkingum á Spáni á dögunum. Hann spilaði æfingaleik gegn Leikni þar sem hann þótti standa sig frábærlega.
Auk þess að vera á mála hjá sænska úrvalsdeildarliðinu Örebro er Abdulahi finnskur U21 árs leikmaður. Hann gæti spilað æfingaleik með liðinu gegn Fjölni næstkomandi þriðjudag.
Erfiðlega hefur gengið fyrir Víking að fá hann lausan frá Örebro þar sem þjálfari liðsins hefur ekki viljað missa hann frá liðinu. Nú í morgun var þó gengið frá málum og er hann væntanlegur til landsins.
Abdulahi verður í Víkinni til fyrsta ágúst og nær því að minnsta kosti tólf leikjum með liðinu en möguleiki er á að einn leikur bætist þar við. Abdulahi æfði með Víkingum á Spáni á dögunum. Hann spilaði æfingaleik gegn Leikni þar sem hann þótti standa sig frábærlega.
Auk þess að vera á mála hjá sænska úrvalsdeildarliðinu Örebro er Abdulahi finnskur U21 árs leikmaður. Hann gæti spilað æfingaleik með liðinu gegn Fjölni næstkomandi þriðjudag.
Heimild: Víkingur.net
