Chris Vorenkamp í ÍR (Staðfest)

Vorenkamp er fjölhæfur leikmaður sem hefur ýmist spilað á miðju, sem bakvörður eða miðvörður með liðum sínum hér á landi.

Hann kemur til félagsins frá ÍH þar sem hann var á síðari hluta síðustu leiktíðar eftir að hafa yfirgefið Víking sem hann lék með í tvö og hálft ár.

Hann þekkir vel til Guðlaugs Baldurssonar þjálfara ÍR en hann lék undir hans stjórn hjá ÍBV sumarið 2005.

Vorenkamp á að baki 69 leiki með ÍBV, Fram, Víkingi og ÍH hér á landi og hefur skorað í þeim sjö mörk.