Ingi Freyr Hilmarsson í Þór (Staðfest)

Ingi Freyr Hilmarsson er 23 ára gamall vinstri kantmaður sem er uppalinn hjá Leiftri og kemur til Þórs frá Noregi þar sem hann lék í sumar með Ärdal í norsku 3. deildinni.

Ingi Freyr lék sumarið 2005 með Leiftri/Dalvík í 2. deildinni og svo 2006 með KS/Leiftri einnig í 2. deildinni. Ingi Freyr lék svo með KA í 1. deildinni leiktímabilin 2007, 2008 og 2009. Samtals hefur Ingi Freyr leikið 72, 1. og 2. deildarleiki og Vísabikarleiki og skorað í þeim 3 mörk. Samningur Inga Frey er til tveggja ára.

Trausti Örn Þórðarson framlengdi samning sinn við Þór til tveggja ára. Trausti Örn er 20 ára gamall miðjumaður og kemur upp úr yngri flokka starfi Þórs og á að baki 32 leiki með Þór í 1. deild og Vísabikar. Trausti lék sína fyrstu leiki með meistaraflokki Þórs í 1. deildinni sumarið 2007 þá 4 leiki. Trausti átti gott tímabil með Þór í sumar og kom við sögu í 15 leikjum 14 í deild og 1 bikar.