„Stjórn KSÍ hefur tekið ákvörðun um að leysa Arnar Þór Viðarsson frá störfum sem þjálfara A landsliðs karla og mun nú hefja leit að eftirmanni hans. Stjórnin metur þetta nauðsynlegt skref með hagsmuni liðsins í huga og möguleikann á að ná þeim árangri sem þarf til að koma liðinu aftur í fremstu röð," segir í tilkynningu KSÍ.

Vanda Sigurgeirsdóttir, formaður KSÍ, segir:

„Þetta er auðvitað erfið ákvörðun en við teljum hana nauðsynlega og rétta með hagsmuni liðsins að leiðarljósi. Arnar hefur gert margt gott hérna hjá KSÍ og á hrós skilið fyrir sitt starf sem var oft unnið í krefjandi aðstæðum. Nú förum við beint í að finna eftirmann hans til þess að hefja undirbúning fyrir næstu leiki liðsins sem fram fara í sumar."

Arnar tók við þjálfun liðsins í desember 2020. Hann hefur verið harðlega gagnrýndur fyrir störf sín og í könnun á Fótbolta.net í síðustu sögðust 89 prósent lesenda vilja losna við hann strax.

Ísland hóf nýverið leik í undankeppni EM 2024 og er með þrjú stig eftir leiki; liðið tapaði 3-0 gegn Bosníu en vann svo Liechtenstein í öðrum leik sínum 7-0.

Árangur Arnars með Ísland:
Sigrar - 6
Jafntefli - 13
Töp - 12
19,35 prósent sigurhlutfall.

Sigrarnir sex voru gegn Liechtenstein (3), Færeyjum, San Marínó og Venesúela.