Fyrir leikinn vissi Genk að eitt stig myndi duga til að komast í meistarariðilinn á meðan Westerlo þurfti aðeins stig til þess að sleppa við fallriðilinn.

Staðan var 1-1 þegar lítið var eftir af leiknum en þá ákváðu leikmenn að hætta að spila boltanum af alvöru og fóru bara að ræða sín á milli inn á vellinum áður en dómarinn flautaði leikinn af.

Gleðin var augljóslega mikil hjá báðum liðum í leikslok en þetta verður að teljast afar svekkjandi fyrir Gent, sem hafnaði í 7. sæti deildarinnar með jafn mörg stig og Genk, en rétt missti af sæti í meistarariðilinn.

Jón Dagur Þorsteinsson og félagar í Leuven sluppu einnig við fallriðilinn með því að vinna dramatískan 1-0 sigur á Mechelen með sigurmarki undir lokin.